موضوع طويل جدا عن المدرسه

سلاااااااام

اكيد فيه احد داعين عليك ...

قلت لك موضوع طويل جدا

عموما :


الله حييييييييييهم ...

مشتاق لكم كثير كثير ...

ماتلاحظون اني فليتها في روز عاد تحملوني تراني منكم وفيكم

..........................................

موضوعي اليوم عن الصور ....

معروف ان اي عائلة يكون لها مخزون او ارشيف من الصور

اما من سفراتها ولا اللي على قد حالهم يصورون في كشتاتهم

او تكون الصور في مناسبات مختلفة يعني في عرس ولا حفلة

الاهم في الصور هي انهم يخلونها ذكرى حلوة





صور البزران

هذا الام من يجي لها بزر و هاتك يا تصوير .... وتصور مراحل طفولته

وكل حركة ماصلة يسويها ..عاد طبعا مع انتشار جوالات الكيمره كل حركه يبدع فيها

على طول يلقط جواله و يصورة فيه .. بس عاد موضوعي بحكي قبل اختراع الجوالات

احلى مافي تصوير البزران انها تصير ذكرى لهم لا كبروا

هالحين اشوف صوري وانا بزر ... الاشباة غير... للامانه و خلنا نكون واقعين من الاول

تطلع لك صور تفشل ... عشان كذا شققت نص ابو صوري وانا صغير ... طالع هندي :sm240:

اجل بالله اهلي رايحين بي للاستديو ولابسن ثوب مابقى لون مهوب فية وكاشخ

وحاطن يدي على خدي وفي الاخير اطلع حااااااااااااافي خخخخ

ولا صورة ثانيه شايلني خالي فيها بكل حنان خوالي << مرادف لحنان ابوي

المهم مادريت الا من زود الحماس في الصورة اممممممممممم ماراح اعلم :36_1_35:

طبعا كان عمري وقتها شهور .. بس اهلي استغلوا برائتي وارتكبوا فيني جريمة

و صوروني بالجرم المشهود







صور الكبار

فيه ناس تعشق التصوير وعكوووووز بكووووز في كل الصور

وفية ناس تستمع بمهنة التصوير ويصير هو اللي يمسك الكاميرا

بس اغلب صور البنات وهم رايحين للعرس وانوااااااع الكشخة ...

نادر ماتلاقين بنت ما صورت وهي كاشخة في عرس

نرجع لموضوعنا .. فية بنات تخاف من التصوير .. خاصة لاصارت اللي بتاخذ الصور

مهيب هي .. حتى لو كانت الصور بتروح لاحد معروف .. اذكر في عرس خالي نشب

فينا نجي نصور معه ومع حرمه المصون وكان عمري وقتها 12 سنه وكلن يعيي مع انه هو اللي بيمسك الصور

ما صور معة الا خواتة وانا وكم واحد من عيال خوالي و بعض من البنات .. عاد مدري وش ذا الخوف المبالغ فيه

صح ان الصور مهيب ثقة ولا تنضمن < للبنات طبعا .خلونا نتكلم عن البنات والشباب وانتوا افرزوا على كيفكم

.. بس هالكلام لو كان اللي بتروح له الصور واحدن بتنقطع

علاقتك فيها .. زي هالحين استغررررب من البنات اللي يعطيون صورهم لصديقاتهم ... :36_1_3:


7
7
7
7
7






صور الاصدقاء و الصديقات

يجونك شلة ويجتمعون في المدرسة / الجامعة و خاصه البنات يصورون مع بعض

على اساس كل وحده تاخذ نسخة

وييييييييييين مهما كانت ثقتك في صديقتك مستحييييييييل تعطيها صورتها

وش يضمن لها ماتصير غرفتها مفتوحة و تطيح بيد احد ... وش يضمن لها ان البنت ما تتغير

بعد كم سنة الواحد عساه يضمن نفسه ..يضمن صديقتة ...

او ان الولد لا كبر وتوظف تكبر ..البنت لا اعرست تغيرت وماعاد عرفتك << مير ياكرهي لهالنمونه

بعدين نص صديقات الجامعة او المدرسة تنقطع علاقتك فيهم او تقل بشكل فظيع ..

فوشلون تضمنين هالصورة بيدها

سمعت قصه على لسان ولد نقلها لي على لسان اخته

تقول : مرة صديقتي حصوص < ((ترى زودت الاسم :36_1_35: )) بتصور مع صديقاتها بالمدرسة قاموا لبسوا عباياتهم

وصوروا وكل وحدة خذت نسخة المشكلة ملتزمين بالعبايات والنقابات اللي يالله

تطلع منها خفس للعين .. بس مدري وش الفايده من هالصور هههههههههه < كنهم مصورين اكياس فحم

احسن شي صورالاصدقاء و الصديقات من اولا او بنات الخال / العم /الخالة / العمة بعد على حسب قوة الصداقة والثقة


7
7
7
7





صور القرايب


هذي حلوة .... واحلى شي لاصارت عندك صور مغبررررررة لاقاربك

الله يا بدع في اشكالهم و لبسهم

لا بس حلوة لا تصورت مع اصدقائك من قرايبيك تصير ذكرى خيالية

عاد حنا نقدر التصوير ... حتى لو رحنا لبر صورنا < حشى هنوووود مب عرب

مرة اذكر رحنا لمطعم المزرعة مع بعض شفنا هندي يصور البزران اللي عند الخيل

والقرد اللي يفتح النفس مير ماتعوق معنا نجتمع .. المشكلة وكل واحد

طول الجدار ونقول له صورنا .......... وخذنا لنا صورة جماعية تفتح النفس



الصور العائلية

اذكر ابوي الله يحينا ويحييه يقدر التصوير وعندة هالحين

ارشيف بس معيي يوريناه عشان كل ماورانا شي شقينا منها ماشافه الله

بس اذكر قد سوى حركة من جد قوية راح ضف عياله كل ابوهم وصورنا بما فيهم محاكيكم

المهم الصورة بالاستديو والخلفية احمر .. وهو بالنص كنه الحاج متولي وكلنا حواليه

نصنا يمينه نصنا يساره ... وياليته اكتفى بهالقدر الحميمي من الصورة لااااااااااع قام بروزها

وعلقها بالصالة .. وانا ياهو منظر فيني والله اتفشل كل ماشفتها ..

الحاصل علقها وماطاع يشيلها الا مؤخرا ...طبعا شالها وحط صورته هو بس اشوى لحاله

اقولكم عاد الله ياجانا كم هااااااااااااائل من الذبات على تلك الصورة

7
7
7
7
7
7
7



صور الفضايح

اشين شي لا دق عليك واحد او وحده يالبنات وقالت لك عندي صورة لك يومك صغيرررررة وتوووووحفه

وتقعد تكركر و الادهى والامر ان هالواحد او الواحده كانت مصورك وانت بريئ صغنووووووون

والحين محتفظ بها طب ليييييييية ... المشكلة ان بوه ناس عادي عندهم يتركون صورهم

مع الثانيين .. يعني فيهم بروووود من هالناحية ... ( هذا وهم كبار ) اما الصغار ماينشره عليهم مغلوب

على امرهم اذكر وحنا صغار مانصدق على الله احد يعطينا وجه .... نفرح فرحة تساوي فرحتنا اذا

احد طعس بنا بالبر وحنا تطلع عروقنا من قولة فلااااااان في الساحة تعلم ياغشيم

ولا الازين منها بتحبوووا مييين فلان... هزء ماردونا فلااااااااان وهو عمرة ماتعدى الدلم او الصحنه ..

صور الفضايح ايضا تنطبق على اللي يتميلح ويحط صورته في بوكها ثمن لاضاع قام يونون

وخاصه البنات ..طب من الاساس عارفه ان الشنطه بكبرها ماتنضمن امكن تنسينها في سوق او تطيح منك

فما بالك ببوك امكن تكونين في عزيمة وتقوم تسرقة حدا الشغالات او انك في الجامعة وينسرق

بس اللي جد ضيقت صدري صديقي طب على بيتهم حرامي وسرق جوازاتهم وذهبهم وفلوسهم

و صورهم تقول الذهب يتعوض والجوازات نطلع بدالها بس الصور هي قطعة القلب

وماغير تتحيسب علية ... يعني وش يبي بالصور يومه يسرقهن

نفس صديقي ذا منحوس .. لان صوره مع اهله واخته صغيرة خذتها خالتها عشان توريها صديقتها

الحاصل فجأة في هالفترة اللي خذتها تطوعت .. ثمن حرقت الصور

وعلى طاري الفضايح .. معروف منول انه عيييييييب اللي تصور ..

حتى فية حالات بغت توصل للطلاق بسبة صور


اضحك تطلع الصورة حلوة

هذي تنقال قبل التصوير ... وكل واحد وله بدع اثناء التصوير ...

لكن مهما اختلفت البدع تظل حركة اساسيه في التصوير اللي هي تحط يدك

على خدك وتسبيل عيونك خخخخخخخخخخخخ يامصل ذا الحركه

تحس شكلك في الصورة مصدق عمرك و شارب أكبر مقلب في حياتك

ولا في حركة أمصل وأمصل للبنات اللي هي تحطين شعراتك على جنب ويدينك

على الطاولة وتنومين وجهك المصون عليها .... ونفس الشي بتسبيلة العيون اياها

ولا اللي تجيك قبل الصورة وتسوي حركات خفة الدم وتحط فوق راس خويتها اشارة النصر

برضوة بوه حركة امصل اللي هي شدة الوجه بقوة اللي لو يمر أسد قدامها ما تحركت

كل هذا عشان تطلع في الصورة تمام .. وهالشدة اكثر من يسويها الرجاجيل خاصة لا ارتزوا

ورى مكتب و وراهم علم السعودية يااااااااخي غيروا هالحركتات كل ابوكم نفس الشي

على طاري ذا الحركتات عندي ولد عم مهوووووي ذاك اليوم نشوف صوره كل ابوها جنبها

زبالة وانتم بكرامة حتى مرة في عرس اخته تاركتن المناظر الحلووووه وارح

يصور في الحمامات وجنب الزبالة وانتوا بكرامه المهم هذا لعب علي مرة قال اني افهم في حركات

التصوير وابصورك وانا صدقت و اسلمه نفسي يقعد يلعب علي يخليني اسوي حركة دار مادار على نفسي

وقعدني على بلاط الصالة <<ترى اسمه سيراميك ماعلينا المهم اخونا في الله لعب علي

و راح ضف تحف المجلس ويرزها جنبي ثمن يجيب مركة ويرقى من فوق عشان يصورني

مادريت الا تزلق به المركة ويخبط علي وعلى التحفة وسوينا حالة طواري يومها في البيت





تحميض الصور

أكثر مشكلة تؤرقنا في التصوير التحميض .. خاصتن لقلة مراكز تحميض خاصه بالنساء وغلاها على مااسمع

وبعدين ما ينضمنون .. ماتدري ذا اللي بيحمض لك بيسحب من الصور ولا لا

خاصة هالايام التحميض ديجتال وخرابيط ولازم كمبيوترات وحوسة

اذكر مرة مصور في مكة << عرق هنود ..

المهم رحت لمحل تحميض في حارة منسيه بقووووووه..

وقلت له حمض الفيلم بس لا تشوف الصور ترى صور عائله ..

قبل لايتكلم اول هز راااااسه لين قال بسسسسسس ...؟؟

قلت في نفسي عز الله اني رحت وطي ..

قام قالي شوف بابا انا في كلام مايسوف صور انا كزاب ..

اي نفر قول هزا كلام كزاب .. لازم عشان تحميض يسوف صور قلت شفهن بس غض البصر

ماتجي طب وش السواة ... عندي عاد مراكز الحريم ما تنضمن اكثر ... يعني ابو هنود ممكن يشوفها

على الماشي ويعطيك الصور لكن مراكز الحريم ما يندرى ينسخونها و يبيعونها ولاش

عاد اللي يسمعني وانا اقول بيبيعونها يقول وخر عنه من عائلة كديماااااااااان << خخخخ

بس هالحين طلع اختراع الله يجزاه خير ذا اللي مخترعه اللي هو التحميض بالبيت

عن طريق الطابعة والكميرا اللي معها


.

.


واخيرا
خلصنا






الواجب


1/ هل انت او انتي مع او ضد التصوير مع الاصدقاء او الصديقات للذكرى؟

2 / أمصل حركة تصوير سويتها او سويتيها في حياتك ؟

3/ هل تضمنين مراكز تصوير الحريم ولا حقت ابو هنود ؟

4/ هل انت ممن يحتفظون بالصور .. وخاصه صور ايام زمااااان ؟؟


واسف على البربره ...

انا والله تعبت وانا اكتب

هههههههههههههههههههههههههههه

يعطيكم الف عافيه جميعااا

ودمتم سالمين ...

مشكوووووور

مشكور على مرورك